I celebrate myself,
And what I assume you shall assume,
For every atom belonging to me as good belongs to you.
I loafe and invite my soul,
I lean and loafe at my case .... observing a spear of
summer grass.
2012-12-24
2012-12-16
BO NADAL
A todos os que ledes isto, DESÉXOVOS UN BO NADAL NA COMPAÑA DOS VOSOS FAMILIARES E AMIGOS e que a esperanza, neste tempo anubrado, permaneza nos vosos corazóns.
2012-11-22
O señor K
Unha amiga miña devece polo señor K; creo que sería máis preciso dicir que o fai por unha parte do seu corpo. Obxectivamente é unha persoa que, se fixeramos unha enquisa, lle gustaría a todo o mundo. Ela , cando o ve, recréase pensando que non pode haber ninguén máis fermoso e harmónico, atlético e alto... A miña amiga polo que devece é polo seu pescozo e a súa noz, e lle gusta imaxinar que os percorre paseniñamente coa súa lingua e coa súa boca. Xa se sabe, soñar é gratis.
2012-11-18
As fiestras
As fiestras como metáfora da vida é unha idea que sempre roldou pola miña testa. Unha vida que vemos pasar pola ventá e unha vida que pasa detrás dela, no noso fogar. Unha fiestra como pretexto para artellar una novela como El túnel. E unha ventá desde onde se pode soñar que o tempo doutros métese no noso tempo...
2012-11-13
2012-11-12
2012-10-29
SANTIAGO (é) TAPAS
O concurso de tapas de Santiago de Compostela invítanos a voltar á cidade e paladear nos vindeiros días unhas tapas ricas-ricas. As do Abastos 2.0 teñen unha pinta estupenda; iremos a paladear o sushi, feito a man... e o RoupaVella 2.0, se atopamos sitio. En A viña de Xabi hai tres tapas cunha pinta boísima: 1. Sesión vermú; 2. Outono; 3. Queixiños de Camembert con pistacho e froitos vermellos. Calquer local e/ou ruta que elixamos será, de seguro, un acerto.
2012-10-25
Brick by brick
Paga a pena retrotaerse ao 1990 e oír este disco de Iggy Pop onde os temas, agás Something wild e My baby wants to rock & roll, están escritos por el. Atopamos un bo edificio discográfico construído ladrillo a ladrillo. Recomendo escoitalo.
2012-09-28
2012-09-22
Muller de auga salgada
Quero ser unha muller de auga salgada e que ti debuxes o mapa do meu corpo: viaxe á humidade, percorrendo plegues e recunchos dun atlas exposto cara adentro. Quero este apaixonamento dos meus sonos que nos últimos días son pura carnalidade: tremores dun primeiro encontro cara a nosa Ítaca. E eu enriba de ti, como o desexo, como te quero..
2012-09-08
No Val do Dubra
O vindeiro fin de semana en Bembibre vai a facerse o 2º Congreso de Bonsai de Galicia. As árbores alí levadas son espectaculares. Haberá tamén outro tipo de actividades como origami e ikebana. Deséxolles o mellor aos organizadores que ademáis son uns tipos estupendos. Iremos ata alí.
2012-09-07
O meu imaxinario
Acaricio os teus beizos
cada noite
no meu imaxinario.
O tic-tac do reloxio soa igual
que fai uns días
cando estabas aquí.
O teu barco
zarpou no solpor
cando as nubes abrazaron,
poñéndose de acordo,
un cincento ceo afortunado.
(...)
A viaxe,
as mesmas singladuras,
os repetidos vaivéns do traxecto...
Máis aló do regreso,
máis aló dos recordos,
quero soñar
a cor dese mar,
a cor dos teus ollos.
cada noite
no meu imaxinario.
O tic-tac do reloxio soa igual
que fai uns días
cando estabas aquí.
O teu barco
zarpou no solpor
cando as nubes abrazaron,
poñéndose de acordo,
un cincento ceo afortunado.
(...)
A viaxe,
as mesmas singladuras,
os repetidos vaivéns do traxecto...
Máis aló do regreso,
máis aló dos recordos,
quero soñar
a cor dese mar,
a cor dos teus ollos.
2012-09-06
A cerimonia do adeus
Nunca me gustaron as cerimonias dos adeuses; outros, disfrutan argallando festas de despedidas sorpresa, fermosos discursos ou cousas semellantes. A única verdade e que marchan os valiosos...
2012-09-05
Agardando ao puto amo
Mañá chega a España o puto amo: a Merkel. En Moncloa a esperan co mellor dos sorrisos e esperando que exerza de deus. Nesta travesía polo deserto, esperan certamente que nos caia o maná para ter algo de alento no mundo volatil dos mercados. Logo, como na mellor versión dos deuses vingadores e inmisericordes, pediranos outros novos sacrificios. Oxalá a quen esperaramos fose a Godot.
2012-05-10
Eufemismo como disfrace
Nos últimos tempos, os políticos nos ofrecen unha grande cantidade de eufemismos para falar da realidade. Ben certo é que a realidade pode ter tantos perfís como suxeitos ca contemplan; mais pretender facer unha grande eufonía con ela é demasiado.
Parece que estamos nun barco sen rumbo ou polo menos cun rumbo errático: as ondas baten na embarcación que vai escorando non se sabe cara a onde inda que íntimamente o saibamos.
Parece que estamos nun barco sen rumbo ou polo menos cun rumbo errático: as ondas baten na embarcación que vai escorando non se sabe cara a onde inda que íntimamente o saibamos.
2012-05-02
As badaladas
Escoítote
nas badaladas de Rosalía,
nos versos de Whitmann,
nos cantís de Moher
e na emoción de lembrarte.
(...)
E respostasme
co teu silencio,
coa túa fuxida
e co teu ollar.
nas badaladas de Rosalía,
nos versos de Whitmann,
nos cantís de Moher
e na emoción de lembrarte.
(...)
E respostasme
co teu silencio,
coa túa fuxida
e co teu ollar.
Suscribirse a:
Entradas (Atom)