Emoción compartida

 

 

    Onte, no Pazo de Congresos de Compostela, compartín coa miña pequena a experiencia de escoitar o concerto de Ferrarini e Battigelli. A primeira parte estaba formada por pezas clásicas de Haendel, Verdi, Donizetti, Debussy entre outros; logo, na segunda parte, repertorio de Rota. As emocionais experiencias  compartidas, cando estás ao lado de quen máis te importa, son fantásticas.   

 

Sempre ...

            Sempre é máis doado botarlle a culpa aos demáis do que nos acontece que asumir responsabilidades propias.

O que pensen os demáis...

                A estas alturas da miña vida pouco importa o que os demáis pensen do que, como, cando, onde faga cousas ou accións que teñen que ver co meu. A vida é demasiado curta para preocuparse disto; renunciar a case todo polos demáis é un erro que logo, co tempo, verbalizamos nun fondo laio.

Funerais presidenciais

              Hoxe, e parece ser que onte e nantonte, estamos a asistir ao pasamento do presidente Suárez retransmitido en tódalas canles. ( Digo parece porque vexo pouca televisión.) É certo que España sempre foi desmemoriada pero o que máis sorprende é que os que, noutro tempo, foron desleais, críticos, malidicentes e/ou traidores... hoxe din loubanzas sobre el e sobre o periodo histórico no que lle tocou gobernar.
              Sempre desmemoriados.

Salvación polo corpo

             (...)


Afán, afán de cuerpo!
Querer vivir es anhelar la carne,
donde se vive y por la que se muere.
Se busca oscuramente y sin saberlo
un cuerpo, un cuerpo, un cuerpo.


           (...)


                          Pedro Salinas, Salvación por el cuerpo.

TI E MÁIS EU

              (...)


Falemos de ti e min
xa que vivimos.
Ti i eu nos ventos 
e nos solsticios.
Ti i eu nos bosques
e nos ríos.
Ti i eu, historia
de corpos nidios.
Ti i eu, saudade 
de álbores íntimos.
Ti i eu sin tempo 
polo que imos.


             (...)   


                      
              CELSO EMILIO FERREIRO :  Longa noite de pedra.  

Sexo

              E se reduciramos o sexo a unha medida? Podería ser a metade desexo e a metade amor? Máis desexo que amor? Máis amor que desexo?

 

  Paul Gauguin. La luxure, 1890. 

Días de ...

                No tempo en que nos tocou vivir hai días de... para todas as circunstancias, persoas, causas, estilos de vida, etc. Logo, atopamos -por todas partes- anuncios que nos invitan a consumir en tan sinalados días e asumimos que esta comercialización dos afectos forma parte do ritual. Na véspera do día do pai escribo estas liñas porque quero salientar que o único importante é que celebremos, todos os segundos, a vida que a cada quen lle tocou ou/e quixo vivir. Unha celebración sinxela, sen grandes festexos, parándonos a ver noso arredor sorrindo, sempre sorrindo.

Marina/ Educación

 

 

No mesmo intre ...

 

 

 

Sabes e sei que ...

             Sabes que eu estaría leda se ti o estiveses; que te desexo todo o bo porque ti fuches o mellor que aconteceu no tempo de Chopin; que sempre vin en ti a ese outro, fermosísimo, mergullado no fondo e morno mar, asulagado de intencións e tentativas...

Ėzaro

 

 

 

              A contorna do Ézaro segue cincenta, de xeito similar a cando aconteceu o desastre. Unha mágoa. 

Praia de quenxe

                Xuntanza de persoas moi divertidas co pretexto de comer cocido. A verdade é que o pasei moi ben. O local ten unhas vistas estupendas e os donos son moi agradables.

 

 

 

 

 

Fisterra

               Esta fin de semana pensaba achegarme a Fisterra e hai unha hora invitan a comer un cocido nun pobo a 12 kilómetros do fin da terra. Algunhas veces atopámonos con que o destino fai unha dobre pirueta e sae ben ... Hai que aproveitar o bo tempo que temos antes de que volte a choiva.

Xulgar aos demáis

               Só cando un é xeneroso xulgando aos demáis está máis conforme consigo mesmo... Observar o que nos arrodea de xeito positivo é un pequeno motorciño que nos impulsa a seguir se se nos pechan as portas, se no camiño percorrido hai algunhas fochancas, se non temos claro que dirección coller...  Valorar, desta maneira, á xente para min supón estar na procura do mellor de cada individuo; iso que outros non ven e que eu vexo porque teño fe...

Silencio

              Cando non se ten case nada que dicir, o mellor é optar polo silencio...

Serrat

              Estes días revisito a Serrat e como sempre fascíname a canción  Sinceramente tuyo (1983) porque é toda verdade. Este tema sirveulle para bautizar un insólito disco en portugués ( Sinceramente teu, 1986) co que Serrat tentou introducirse no mercado brasileiro.

Os bos

               Cando algúns son bos, o son moito ... e raian a excelencia. Hai que recoñecer -sempre- as virtudes do contrario e as dos nosos.

 

 

 

Lograr decatarse ...

               Podemos ir moitas veces a un lugar e non decatarnos do que hai diante, inda que teña certa familiariade para nós; podemos voltar e, só a traverso dun enorme cartel, ver que sempre estivo aí. Algúns, para algunhas cousas, temos unha profunda cegueira ...

A muller estaba espida ...

LA MUJER estaba desnuda.


Llegó un hombre,
descendió a su sexo.
Desde allí la llamaba
a voces cóncavas,
a empozados lamentos.
                                          Pero ella
no podía bajar
y asomada a los bordes sollozaba.


Después, la voz, más tenue
cada día,
ya se iba perdiendo en remotos vellones.


La mujer sollozaba.


Tendió grandes pañuelos
en las lámparas rotas.


Vino la noche.


Y la mujer abrió de par en par
sus inexhaustas puertas.



                                           J. A. VALENTE:   Breve son.

Chegou o astro sol ...

                                                                     ... e o solpor.

 

 

 

Galipedia

               Ista é unha versión en Galego da Wikipedia. Moi recomentable se se quere facer consultas no noso idioma. 

Gatos

 

 

Gato europeo.

A mellor sensación do mundo....

              Cal é a mellor sensación do mundo?
              Supoño que a resposta ten que ver cunha definición que eu emprego sempre ao falar da opinión: cada un ten a súa. Para algúns será comer e/o beber algo saboroso; para outros ser recoñecidos e admirados polos demáis; uns a obterán de acumular riquezas... Para min, a mellor sensación do mundo é que alguén, nalgún intre, me desordene ...

Fronte ao espello

En un abrir y cerrar de ojos
ya no estarás en donde estabas:
un triste viejo está mirándote
con qué terror desde su cara.

Mirándote ávido y mirándote
mientras la luz te da en su cara:
en un abrir y cerrar de ojos,
ni tú, ni él, ni nada.


                              Eliseo Diego: A través de mi espejo.

O que me peta....

               Sería estupendo facer o que a un lle peta mais, coma a maioría dos mortais, estamos obrigados a facer certas cousas - iso ao que se lle chama deber, por exemplo-. Agardo poder facer o que me peta un día distes ... Facer o que me peta e disfrutar co que me gusta. E incluso pode que o consiga ...

Haru

               Un pracer visionar The cat returns ou o que ven sendo en Castelán Haru en el reino de los gatos. Coma sempre o Studio Ghibli fai filmes fermosísimos.

Eu tamén ...

               Eu tamén, no caderno de bitácora, atopei unha saída cuios perfís ás veces eran lenes mais outras eran desbibuxados ...